Трибина на тема „Важноста на менталното здравје во заедницата“

Во рамки на одбележувањето на Светскиот ден на ментално здравје, под мотото „Менталното здравје е универзално човеково право“, денес, во организација на Црвен крст Охрид, се одржа јавна трибина за менталното здравје.

Целта на трибината беше поттикнување на сите чинители и субјекти во заедницата за активна грижа за личното ментално здравје, превенција на менталните заболувања и намалување на стигматизацијата околу менталните заболувања.

На трибината свое излагање имаа:

– Сашо Точков, Претседател на Црвен крст Охрид

– Ана Крстеска, советничка во Советот на Општина Охрид

– Ранко Раткушиноски, психолог, вработен во Црвен крст Охрид

– Доктор Магдалена Чакар Маркулеска, специјалист психијатар

По широката дискусија од страна на присутните, упатена беше силна порака до сите членови на нашата заедница заедно да работиме на заштита и на унапредувањето на менталното здравје.

Нема здравје без ментално здравје.