ЦКА-ПХВ повторно се враќа во општинските организации

Пред се благодарам за номинацијата. ПХВ програмата е време и моменти поминати пред се продуктивно и корисно а доживувањата навистина не можат да се опишат со ниту еден збор. Навистина е тешко да се издвојат моментите доживеани за време на ПХВ, бидејќи секој момент, секоја случка, секоја дури можеби и најмала ситница си има своја тежина. Еве јас накратко би кажал за мојата ПХВ група “Пчелички” и нашата целна група, баба Илинка која нажалост веќе не е меѓу нас. Баба илинка беше жена заборавена од својата фамилија, оставена сама на милост и немилост во с. Лакочереј во една трошна куќа до која имаше тежок пристап, односно неасвалтиран и каллив пат. Боледуваше од карцином, имаше висок притисок, шеќер во крвта и што уште не.. Јас и мојата група кога слушнавме за нејзината состојба едногласно кажавме дека токму таа е онаа вистинската која според нас заслужува најубаво да го помине остатокот од нејзиниот живот. Кога отидовме кај неа, кога не виде уште на самата врата нас волонтерите не нарече мои деца. Беше пресреќна. Распишавме петиција, собиравме потписи од сите жители на селото, имавме состаноци со месната заедница, со градоначалникот на општина Охрид, собиравме материјали за реновирање на нејзиниот дом, снабдувавме храна, ја чистевме нејзината куќа, игравме, се забавувавме со неа и што уште не… Луѓе, навистина овие моменти не можат да се опишат со зборови, таа среќа, таа тимска работа, тоа чувство кога помагаш некому и кога знаеш дека со тоа светот го правиш подобро место за живеење е неописливо и токму тоа те прави полезен и сакан од општеството. Без двоумење, станете дел од оваа програма и поминете го најубавиот период од вашиот волонтерски живот.