ЗАШТИТА ОД ТОПЛОТЕН БРАН

Црвен крст Охрид продолжува да дистрибуира материјали со препораки за заштита на здравјето во услови на топлотен бран.

Деновиве, во дистрибуцијата на едукативните материјали за заштита од топлотен бран беа вклучени и нашите волонтери кои делеа такви материјали на граѓаните на Охрид.

Исто така, во соработка со полициски службеници од езерската полиција, материјали со совети за заштита од топлото време им беа поделени на граѓани во пловни објекти.

Заедничката акција на Црвен крст Охрид и езерската полиција ќе продолжи во текот на претстојните викенди.