СИТЕ ОСУДУВАМЕ, АЈДЕ ДА ЗБОРУВАМЕ ЗА ТОА!

Вчера, во Култ Културен Центар, групата „СОНЦИЊА”, која работи на интеркултурен проект, организираше настан со цел да ја поттикне интеркултурната интеракција и да отвори простор за искрен дијалог помеѓу младите.

Настанот го отвори бендот на Клубот на млади при Црвен крст Охрид – „HUMANE-ХУМАН“, кој со својата енергија и порака даде силен почеток на вечерта. Потоа следеше проекција на три кратки филмови, кои обработуваа теми поврзани со предрасуди, стереотипи и меѓусебно разбирање.

По проекциите, младите имаа можност да дискутираат, да споделат свои мислења и искуства, и заеднички да размислат како можеме да изградиме поинклузивна и почитувачка заедница.

Изразуваме огромна благодарност до Култ Културен Центар кој ни ја овозможи просторијата и го направи настанот успешен и незаборавен.