ноември 3, 2023
СИМУЛАЦИСКА ВЕЖБА
На ден 3.11.2023 во средното училиште ОЕМУЦ “Св. Наум Охридски” се одржа симулациска вежба односно симулација на пожар во просториите на училиштето за учениците од прва и трета година.
Симулацијата започна со евакуација на учениците од страна на професорите и членовите на младинската заедница од училиштето, по што истите имаа можност да ги проследат процедурите за укажување на прва помош при санирање на три најчести повреди во ваква ситуација. Учесници во вежбата беа тимот за прва помош на Црвен крст Охрид како и тимот за укажување на прва психолошка помош.
Со оваа симулациска вежба ја започнуваме Кампањата за укажување на прва помош на Црвен крст Охрид во сите училишта која ќе се спроведува во претстојниот двомесечен период. Учениците од ОЕМУЦ по симулациската вежба проследија предавање на темата укажување прва помош од страна на обучени демонстратори по прва помош .
Се заблагодаруваме на вработените и учениците од училиштето за добрата соработка, како и на нашите волонтери, демонстратори, тимот за прва помош и прва психолошка помош за успешниот настан.
