РАБОТИЛНИЦА ЗА АЛАТКИ ЗА ПРОМОЦИЈА

Со цел подобра подготовка на волонтерите за претстојните избори за раководство на Клуб на млади и дополнителен развој на нивните вештини, на вчерашниот редовен состанок на Клуб на млади беше одржана работилница за алатки за промоција на која учествуваа 15 млади.

 Работилницата беше одржана во соработка со волонтери од Клубот на млади на Црвен крст Струга, на која беа објаснати основите на маркетингот и промоцијата, како и начините за изработка добра фотографија, објава, постер и видео.

На истата беа одржани неколку кратки интерактивни сесии од страна на координаторот на млади на Црвен крст Струга Моника Мечкароска, лидерот на Клуб на млади Охрид Борче Исакоски, и волонтерите од Црвен крст Охрид Марио Ѓорески и Иво Георгиески.