ПРОГРАМА ЗА РАЗВОЈ НА МЛАДИНСКО ЛИДЕРСТВО „МЛАДИ ЛИДЕРИ СОЗДАВААТ ИДНИНА”

ПРОГРАМА ЗА РАЗВОЈ НА МЛАДИНСКО ЛИДЕРСТВО „МЛАДИ ЛИДЕРИ СОЗДАВААТ ИДНИНА“

Црвен крст Охрид организира нов циклус од програмата за развој на младинско лидерство „Млади лидери создаваат иднина“ – пријавувањето за учество започнува денес!

Оваа програма е наменета за ученици од деветто одделение до трета година средно образование. Учеството во програмата е бесплатно.

Црвен крст Охрид ја спроведува оваа програма со цел да им овозможи на младите учесници да ги зајакнат вештините што ќе им помогнат да го остварат својот потенцијал и стремежи, како и да придонесат кон развојот на нивните заедници. Во текот на програмата, учесниците ќе посетат 13 работилници за унапредување на животни, лидерски и вештини за вработливост. Исто така, во рамките на програмата ќе се организира и панел за кариера.

Програмата ќе започне да се реализира на 15 септември 2026 година и ќе трае до крајот на првото полугодие од учебната година. Работилниците ќе се одржуваат секој вторник, со почеток во 19:00 часот, во просториите на Црвен крст Охрид на улица „Димитар Влахов“ број 52.

Црвен крст Охрид упатува покана до сите заинтересирани ученици да се пријават за учество во програмата најдоцна до 13 септември 2026 година, пополнувајќи го формуларот на следниот линк

https://docs.google.com/…/1FAIpQLSdaysnXXB2…/viewform..