ПРЕВЕНЦИЈА ОД КОРИСТЕЊЕ НА ПИРОТЕХНИЧКИ СРЕДСТВА

Во рамки на своите здравствено-превентивни активности Црвен крст Охрид ја продолжува соработката со СВР Охрид-Одделението за превенција со акцент на превенцијата на ризиците предизвикани од употребата на пиротехнички средства.

Со таа цел, денеска на Градскиот плоштад „Св. Климент Охридски“ во Охрид тим за прва помош од Црвен крст Охрид, составен од парамедици и обучени волонтери за прва помош изведоа симулациска вежба за ризиците од користење на пиротехнички средства.

Во меѓувреме, на случајни минувачи беа поделени едукативни материјали за опасностите од користење петарди и други пиротехнички средства со нагласување дека употребата на пиротехнички средства се казнува од страна на припадници на СВР Охрид-Одделение за превенција и волонтери на Црвен крст Охрид.

„ПЕТАРДИТЕ НЕ СЕ ИГРАЧКА!“ – е пораката која организаторите на овој настан ја упатуваат до децата, но и до родителите, со апел за грижа за безбедни Новогодишни и Божиќни празници.

Вакви и слични активности веќе се реализираа и ќе бидат реализирани и во дел од основните училишта во Охрид.

#црвенкрстохрид#ЦрвенКрст#безбедност#сврохрид#незапетарди#безбеднипразници