![](https://crvenkrst-ohrid.org.mk/wp-content/uploads/2022/06/287134184_5147191215369754_204191153740150983_n-1000x560.jpg)
јуни 16, 2022
Претседателот на Европскиот совет, г-динот Charles Michel во посета на Планинската Спасителна Служба при Црвен крст Охрид
Во текот на вчерашниот ден, имавме особена чест и задоволство, да го пречекаме претседателот на Европскиот совет Council of the European Union, г-динот Charles MICHEL, придружуван од вицепремиерот г-дин Bojan Maricik и евроамбасадорот г-дин Дејвид Гир, претставувајќи ја IPA II CBC Programme – Republic of North Macedonia & Republic of Albania, како нејзина најуспешна приказна.
Г-динот Мишел, го запознавме со постигнатите резултати од двата реализирани проекти, благодарение на кои во прекуграничниот регион воспоставена е првата 24 часовна Планинска Спасителна Служба, која делува во рамки на Црвен крст Охрид.
Истакнавме дека сме особено горди на успехот да воспоставиме волонтерска служба, обучена, опремена и организирана по највисоките европски стандарди, која се грижи за безбедноста на повеќе од 220 000 жители, како и за огромниот број туристи, кои го посетуваат регионот околу Охридското Езеро.
Ја искористивме оваа прилика, од името на волонтерите и жителите од регионот, да се заблагодариме на Европската Унија за довербата и досегашната поддршка, како и да ги увериме дека не застануваме тука и продолжуваме со идеја нашата успешна приказна да ја пренесеме и во останатите региони во државата. Г-динот Мишел, ни изрази искрена благодарност за постигнатите резултати и хуманата мисија која ја спроведуваме во овој дел од Европа.
![](https://crvenkrst-ohrid.org.mk/wp-content/uploads/2022/06/286405950_5147190995369776_7944869381187881457_n.jpg)
![](https://crvenkrst-ohrid.org.mk/wp-content/uploads/2022/06/286476554_5147191625369713_8517871038190334875_n.jpg)
![](https://crvenkrst-ohrid.org.mk/wp-content/uploads/2022/06/286729226_5147191642036378_4396735641112955587_n.jpg)
![](https://crvenkrst-ohrid.org.mk/wp-content/uploads/2022/06/286996469_5147191828703026_8117597979893491038_n.jpg)
![](https://crvenkrst-ohrid.org.mk/wp-content/uploads/2022/06/287134184_5147191215369754_204191153740150983_n.jpg)
![](https://crvenkrst-ohrid.org.mk/wp-content/uploads/2022/06/287172171_5147190675369808_100946871862254286_n.jpg)
![](https://crvenkrst-ohrid.org.mk/wp-content/uploads/2022/06/287249815_5147191795369696_5924485616401896379_n.jpg)
![](https://crvenkrst-ohrid.org.mk/wp-content/uploads/2022/06/287349179_5147191648703044_6802862126233385905_n.jpg)
![](https://crvenkrst-ohrid.org.mk/wp-content/uploads/2022/06/287708237_5147191605369715_6021685768247786475_n.jpg)