ПАНЕЛ ЗА КАРИЕРА

Црвен крст Охрид со големо задоволство го најавува одржувањето на Панелот за кариера, настан што го организираме во рамките на нашата програма за развој на младинско лидерство, „Млади лидери создаваат иднина“.

Учесници во Панелот ќе се наши успешни сограѓани. Тие ќе зборуваат за својот кариерен пат и за своите професионални искуства, како и за знаењата и вештините потребни за да се успее во нивните професии.

Панелот претставува одлична можност младите да слушнат инспиративни приказни и да стекнат знаења што ќе им користат во остварувањето на нивните цели. Црвен крст Охрид упатува покана до младите да го посетат овој настан.

Панелот за кариера ќе се одржи: на 13 октомври 2026 година (вторник) со почеток во 19:00 часот, во просториите на Црвен крст Охрид на улица „Димитар Влахов“ број 52.