ОРАТОРСКА ВЕЧЕР 2026

На 02.02.2026 година, Клубот на млади при Црвен крст Куманово по трет пат организираше ораторска вечер на национално ниво, на која учествуваа 11 млади оратори од различни градови. Настанот претставуваше одлична можност за младите да ги покажат своите ораторски вештини и јавно настапување.

Нашата волонтерка, Сара Петкоска, го освои третото место, со што уште еднаш го потврди квалитетот, посветеноста и трудот на младите од нашиот тим. Нејзиниот настап беше проследен со големо внимание и заслужен аплауз од публиката.

Атмосферата беше инспиративна, динамична и исполнета со позитивна енергија. Салата беше исполнета со поддршка, мотивирачки пораки и искрени емоции, а секој говор носеше силна порака и остави впечаток кај присутните. Ораторската вечер покажа дека младите имаат глас, став и храброст јавно да ги споделат своите идеи.

Горди сме на успехот на Сара и веруваме дека ова признание ќе биде поттик за уште поголеми достигнувања во иднина. Честитки за одличниот резултат!