Охрид ТрчаТ

Во текот на изминатиот викенд, по деветти пат се одржа еден од најзначајните спортски настани во нашиот град – Охрид ТрчаТ!

Како и секогаш, за безбедноста и здравјето на натпреварувачите се погрижија волонтерите од Црвен крст Охрид.

Со тимови за укажување прва помош, Црвен крст Охрид ја обезбедуваше оваа спортска манифестација на:

9 мај – Детска трка

30 мај – Ноќна трка

31 мај – Имлек Протеин Warm Up

1 јуни – Главна трка

Настанот помина во одлична атмосфера, исполнет со енергија, насмевки и дружење. За беспрекорната организација заслужни се и нашите 30+ волонтери кои беа логистичка поддршка долж патеката, 27 членови на тимовите за прва помош на 9 локации, како и 3 парамедици на велосипеди за прва помош.

Огромна благодарност до сите волонтери кои несебично го вложија своето време и труд – насочуваа тркачи, делeа медали, пружаа прва помош онаму каде што беше потребно.

Честитки до организаторите на Охрид ТрчаТ за уште еден прекрасно реализиран настан, како и до сите учесници! Се гледаме догодина!