ОДРЖАНА КОНСТИТУТИВНО-ИЗБОРНА СЕДНИЦА НА СОБРАНИЕТО НА ЦРВЕН КРСТ НА РСМ-ОПШТИНСКА ОРГАНИЗАЦИЈА ОХРИД

На 12.05.2026 година, во просториите на Црвен крст Охрид, се одржа Конститутивно-изборна седница на Собранието на Црвен крст на РСМ – Општинска организација Охрид за мандатен период 2026-2030 година.

На седницата беа верификувани мандатите на 21 делегат во Собранието, кои активно учествуваа во работата и одлучувањето согласно статутарните одредби на организацијата.

Во рамки на седницата беа спроведени избори за органите на управување на организацијата, при што за претседател на Црвен крст на РСМ – Општинска организација Охрид беше избрана Весна Терзиоска.

Исто така, беа избрани потпретседател на организацијата, членови на Раководниот одбор, како и претседател, потпретседател и членови на Финансиската комисија и делегати за во Собранието на ЦКРСМ.

Со успешно реализирање на седницата, Црвен крст Охрид продолжува со своето делување и реализација на хуманитарните активности во служба на заедницата.

Хуманоста останува наша заедничка вредност и водилка.