ОБУКА ЗА ВРСНИЧКИ ЕДУКАТОРИ (ДЕН 1)

Успешно завршен првиот ден од обуката за врснички едукатори!

Клубот на млади при Црвен крст Охрид, во периодот од 18 до 19 и 23 октомври, организира обука за врснички едукатори во просториите на организацијата.

Во текот на првиот ден, учесниците имаа можност да се запознаат и да изградат тимски дух преку интерактивни активности, игри и дискусии. Темите кои се обработуваа беа:

• Поимот и улогата на врсничкиот едукатор;

• Вештини и карактеристики на успешен едукатор;

• Вовед во комуникациски и презентациски вештини;

• Вовед во фасилитаторски и кофасилитаторски вештини;

Преку активна работа во групи и практични вежби, младите учесници стекнаа нови сознанија за тоа како да бидат пример и поддршка на своите врсници, како и како да пренесуваат знаење на интересен и мотивирачки начин.

Обуката ја реализираше Борче Исакоски, долгогодишен волонтер и обучувач на врснички едукатори при Црвен крст Охрид.

Целта на оваа обука е да се поттикне активното учество на младите, да се развијат нивните меки вештини и да се создаде нова генерација на врснички едукатори кои ќе делуваат во заедницата и ќе бидат позитивен пример за своите врсници.