ОБУКА ЗА ПРВА ПСИХОЛОШКА ПОМОШ И ПСИХОСОЦИЈАЛНА ПОДДРШКА

Изминатиот викенд на 2 и 3 март во Црвен крст Охрид беше одржана обука за основите на првата психолошка помош и психосоцијалната поддршка за волонтерите од Клубот на млади и учесниците на обуката за прва помош.

Обуката ја спроведоа членовите на националниот тим за прва психолошка помош од нашата општинска организација, Ранко Раткушиноски и Катерина Наумоска, и ги опфатија следниве теми :

– Благосостојба и нејзините елементи;

– Основи на прва психолошка помош;

– Основи на психосоцијална поддршка; и

– Грижа за себе.

Обуката траеше вкупно 6 часа, а ја проследија 24 млади кои се стекнаа со вештини и знаења за подобар пристап на терен и укажување на помош како потенцијални идни тимови за прва помош.