ОБУКА ЗА ПРВА ПОМОШ

Во текот на изминатиот викенд се одржа првата работилница од обуката за основите на првата помош во Клубот на млади во Црвен крст Охрид.

Истата ја одржа демонстраторот и тренер по прва помош Георги Ставрески, на која присуствува 29 млади, волонтери од Клубот на млади при Црвен крст Охрид и заинтересирани млади од средните училишта од нашиот град.

Младите волонтери се здобија со теоретски знаења како да укажат основна прва помош и како да препознаат за каква повреда се работи преку следенње на виталните знаци, како и да измерат шеќер и крвен притисок.