![](https://crvenkrst-ohrid.org.mk/wp-content/uploads/2023/05/345036325_173342275322274_5154414428846909238_n-1000x560.jpg)
мај 4, 2023
Обука на негувател/ка за помош на стари лица и лица со попреченост
Остануваат уште два дена за пријавување на конкурсот на Црвен крст Охрид за обука на негувател/ка за помош на стари лица и лица со попреченост според верификувана програма од страна на Центарот за образование на возрасните и Министерството за образование и наука на Република Северна Македонија.
Обуката за негувател/ка на стари лица и лица со попречености содржи теоретски и практичен дел, трае 3 месеци, а ќе се реализира во простории на Црвен крст Охрид, прилагодени и опремени со потребната опрема и помагала. Обуката ќе ја изведува наставен кадар-едукатори (доктор по медицина, медицинска сестра, социјален работник и дефектолог), пет дена во неделата, во период заеднички договорен. По успешно завршената обука кандидатот се стекнува со соодветен меѓународно признат сертификат за Негувател/ка за помош и нега на стари лица и лица со попреченост.
Заинтересираните полнолетни кандидати ќе можат да добијат повеќе информации и искажат интерес за обуката со јавување на еден од телефоните 046 261909 и 070 315309, на е-маил: ohrid@redcross.org.mk или во просториите на Црвен крст Охрид.
Конкурсот за пријавување на кандидати за обука на Негувател/ка за помош и нега на стари лица и лица со попреченост ќе биде отворен до 05.05.2023 г.
Ги очекуваме сите оние кои имаат желба и потреба да стекнат вештини и знаења за помош и нега на стари лица и лица со попреченост и се стекнат со високообразовен сертификат за негувател/ка. Со тоа стануваат дел и од тимот на негуватели во Центарот за нега при Црвен крст Охрид и добиваат можност за вработување.
![May be an image of one or more people and text](https://scontent.fskp4-2.fna.fbcdn.net/v/t39.30808-6/345036325_173342275322274_5154414428846909238_n.jpg?stp=dst-jpg_p180x540&_nc_cat=109&ccb=1-7&_nc_sid=730e14&_nc_ohc=7ph5o-DUSAsAX_xfaNA&_nc_ht=scontent.fskp4-2.fna&oh=00_AfCg88wpQnLTdwofpwDjrvPkz4jYUBMTaJnrHlATFdV42A&oe=645E19BA)