НОЕМВРИ – МЕСЕЦ НА БОРБА ПРОТИВ БОЛЕСТИ НА ЗАВИСНОСТ

Во месец ноември, месецот на борба против болести на зависност (никотинизам, алкохолизам и злоупотреба на дрога), врсничките едукатори од Клубот на млади при Црвен крст Охрид спроведоа врснички едукации со цел информирање на младата популација .

Минатата седмица на 22, 23 и 24 ноември 2023 година се одржаа три врснички едукации за превенција од болестите на зависност во основните училишта ООУ “Ванчо Николески” – с. Лескоец, ООУ “Кочо Рацин” – с. Лакочереј и ООУ “Св. Наум Охридски” – с. Пештани.

На овие едукации околу 80 ученици од деветто одделение беа запознаени со зборот зависност, причините поради кои настанува, штетните ефекти на зависните супстанци, како и начините на третман и спречување на зависноста .