НЕГУВАТЕЛИ – НАШИТЕ СУПЕРХЕРОИ

Февруари е месец кога оддаваме почит и благодарност на сите негуватели кои секојдневно ги ставаат потребите на другите пред своите.

Нивната улога е незаменлива – тие се основата на поддршката за старите лица и сите кои зависат од грижа.Негувателите често работат во позадина, обезбедувајќи љубезност, топлина и нега без да побараат признание.

Црвен Крст Охрид, и оваа година продолжува со обезбедување на бесплатна социјална услуга помош и нега во домот.

Оваа значајна услуга се реализира благодарение на поддршката од Министерството за социјална политика, демографија и млади на Р.С.М.

Нашата услуга за помош и нега во домот на стари лица е клучот за постигнување на највисок можен квалитет на живот за вашите најблиски

Домашните посети од професионални негуватели обезбедуваат сигурност и независност. Ова е еден од начините да се избегне непотребна хоспитализација; може да помогне во закрепнувањето по болест, повреда или престој во болница, и сето тоа преку грижа обезбедена во удобноста на домот .

Нашата услуга за помош и нега во домот вклучува:

Помош околу домашните работи: Негувателите помагаат во домашните работи, мобилност во и надвор од домот, и по желба и потреба пазарување

Домашни модификации: Домашната грижа им помага на оние со отежната подвижност . Преку промени во поставувањето на мебелот и други модификации, домот станува поудобен и попристапен.

Лична хигиена: Помош во секојдневните активности, како што се облекување, капење и менување пелени.

Негувателите помагаат и со мали нешта, како мерење на крвен притисок, ниво на шеќер во крвта и мониторинг на лековите .

Социјални контакти, забава и комуникација: Овие активности за социјализација, комуникација и рекреативни активности ја прават секојдневната грижа полна со љубов и внимание.

Транспорт: За постарите, ако е потребно, нудиме дополнителен, специјализиран медицински транспорт до здравствени установи.

Зошто домашната грижа за стари лица е добро решение?

Кога нашите најблиски сè уште живеат независно, но се борат со ефектите од стареењето, грижата за стари лица во домот е одлично решение. Професионалните негуватели обезбедуваат физичка помош и емоционална поддршка .

Нека овој месец биде потсетник за тоа колку нивната посветеност има огромен ефект на животите на сите нас. Благодарност за нивната неуморна работа и љубов што ја споделуваат секој ден!

#МесецНаНегувателите#домашнанега

#КвалитетНаЖивот#Здравје#Сигурност#ЦрвенКрстОхрид#Инклузивност#Социјалниуслуги#ЦрвенКрстОхрид80годиниСветилникНаХуманоста