![](https://crvenkrst-ohrid.org.mk/wp-content/uploads/2023/03/333317227_142480795368541_6639205868359785375_n-1000x560.jpg)
март 1, 2023
Неделата на борба против ракот
Посветени на своите активности во Здравствено-превентивната дејност, а во рамки на одбележувањето на Неделата на борба против ракот од 1-8 март, под мотото „Знаењето спасува живот“, Црвен крст Охрид организира активности насочени кон подигање на јавната свест кај општата популација за превенција и навремено дијагностицирање на малигните заболувања.
Во таа насока, а имајќи ги во предвид податоците за застапеноста и зачестеноста на појавата на рак на грлото на матката кај женската популација, Црвен крст Охрид во соработка со Младински Центар Охрид организира предавање на тема „Рак на грлото на матката-причини, симптоми, тестови, стадиуми, превенција и лечење“, кое ќе се реализира на 02.03.2023 (четврток) со почеток во 17 ч., во просториите на Младинскиот центар Охрид (Касарна Охрид). Предавач ќе биде Д-р Јасна Митреска, спец.гинеколог.
Секоја година во светот, над 12 милиони луѓе заболуваат од некој вид на рак, а 7,6 милиони луѓе умираат како последица на болеста. Во нашата држава, годишно се откриваат преку 6 илјади нови случаи на заболени од рак. Овие бројки се навистина застрашувачки и алармантни.
Експертите од Меѓународната унија за рак и Светската здравствена организација нагласуваат дека приближно 40% од карциномите можат потенцијално да се спречат и ризикот од развој на ракот може значително да се намали со примена на едноставни превентивни мерки и практикување на здрави животни навики.
Не се двоумете да дознаете повеќе за ракот на грлото на матката и грижата за своето здравје ја подигнете на повисоко ниво.
![Можно е да е слика од еден или повеќемина и текст кој вели „+ црвен крст република северна македонија општинскаорганизацилаохрид општинска организацила охрид 01-08.03.2023 младински центар 2 март 2023, четврток, 17:00 ч. касарна охрид недела HA борба против PAK- предаване рак на грлото на матката-причини, симптоми, тестови, стадиуми, превенција, лечене д-р JacHa митреска спец. гинеколог 16+ እ Fsgy8“](https://scontent.fskp4-2.fna.fbcdn.net/v/t39.30808-6/333317227_142480795368541_6639205868359785375_n.jpg?stp=dst-jpg_s600x600&_nc_cat=109&ccb=1-7&_nc_sid=730e14&_nc_ohc=Vba6raaACN8AX9Gz6Y9&_nc_ht=scontent.fskp4-2.fna&oh=00_AfCx2c-4Lq9K05sOAcwY7OSYvCMdxkuAEAc3AX4RYDX1Sw&oe=6405F153)