Месец на ментално здравје
Јуни 2021 – месец на ментално здравје според Европската мрежа на млади на Црвен крст
Под мото ‘Истражи се и надогради се’ овој месец се посветивме на менталното здравје на нашите најважни носители на иднината – младите!
Во склоп на месецот се организираа повеќе работилници на кои се работеше на ментално здравје со волонтерите.
Работевме на менаџментот со стрес, самодовербата, сигурноста во себе и добросостојбата, која треба да ја изградиме кај нашите волонтери за да се ефикасни и да продолжат да прават огромни добри дела во нашата заедница.
Се одржа онлајн работилница за “Менаџмент со стрес”со Михаела Протугер, студент на психологија, а воедно и долгогодишен волонтер на Општинска организација Охрид. Михаела вели за успешно да се справиме со стресот треба директно да се соочиме со проблемот кој го предизвикува истиот, а притоа наведе и некои дополнителни корисни техники.
Во текот на претходниот викенд се одржа работилница за ментално здравје и самодоверба со м-р психолог Ранко Раткушиноски!
На оваа работилница која се одржа во тренинг центарот во Велестово преку работа во тимови, вежби, игри и дискусии, нашите волонтери ја развиваа свеста за себе и се запознаа со методи со кои можат да ја зголемат самопочитта!
„Самопочитувањето е дел е од поимот за себе, тоа е предуслов за среќа, квалитетни меѓучовечки односи и успех во тоа што го работиме.“ – вели Ранко.
И на крајот од месецот од страна на нашите волонтерки Сара Коваческа и Ивана Грданова во пријатно расположение беше одржана уште една работилница “Преку физичка активност до подобро ментално здравје”, за тоа колку е важна физичката активност за да се одржи правилно ментално здравје. На работилницата учествуваа волонтери од Клубот на млади на Општинска организација Охрид и истата беше остварена во склоп на месецот посветен на менталнотто здравје.
Преку поделени искуства, практични вежби и тим-билдинг игри, Сара и Ивана укажаа на тоа колку е важно да се остане физички активен. А крајот на работилницата беше надополнет со медитирање и заедничко релаксирање.
Придружете се на нашата фамилија на волонтери која е симбол на безбедност, другарство и човечност