ЛИЧНА АСИСТЕНЦИЈА – ПОДДРШКА ШТО ВИ Е ПОТРЕБНА!
Црвен Крст Охрид, и оваа година продолжува со обезбедување на бесплатна социјална услуга лична асистенција на лица со попреченост.
Оваа значајна услуга се реализира благодарение на поддршката од Министерството за социјална политика, демографија и млади на Р.С.М.
Целта на оваа услуга е да се овозможи подобар квалитет на живот за лицата со попречености, преку индивидуализиран пристап кој обезбедува поддршка во секојдневните активности, како и промовирање на социјална инклузија и самостојност на корисниците.
Со имплементација на оваа услуга, Црвен Крст Охрид продолжува да придонесува за еднакви можности за сите граѓани на Охрид и Дебрца, создавајќи услови за повисоко ниво на социјално учество и интеграција на лицата со попречености во заедницата, а тоа се:
– создавање услови за повисоко ниво на социјално учество на лицата со попречености (социјална интеграција и инклузија)
– спречување на институционализација
– подобрување на квалитетот на живот на лицата со попречености
Што е личната асистенција и како ние работиме:
1. Во однос на возраста:
– лична асистенција за деца
– лична асистенција за возрасни
– лична асистенција на стари лица
2. Во однос на местото:
– лична асистенција дома
– лична асистенција во установа за социјална заштита
– лична асистенција на училиште
– лична асистенција на работа
– лична асистенција во здравствени установи
– лична асистенција во јавните служби и сл.
3. Во однос на видот на попреченост:
– лична асистенција за лица со моторни нарушувања (тешка и најтешка телесна попреченост)
– лична асистенција за слепи лица
4. Во однос на содржината на активностите:
– физичка поддршка и помош
– когнитивна поддршка и помош
– психосоцијална поддршка и помош
5. Во однос на времето на спроведување на активностите:
– секојдневна поддршка и помош
– повремена поддршка и помош
– привремена поддршка и помош
5. Нашите принципи за лична асистенција:
– сеопфатност
– навременост
– континуитет
– тимска работа
6. Фази на лична асистенција:
– запознавање на личниот асистент со конкретната задача
– запознавање на личниот асистент и корисникот на услугата
– договарање за времето и динамиката на давањето услугата
– развој на доверливи односи
– психосоцијална поддршка и лична помош
– евалуација на квалитетот на дадената услуга
7. Пристапи во работата:
– индивидуален
– прогресивен
– активен
– користење на преостанатите способности
8. Ниво на помош:
– специфична помош
– поддршка (помош)
– набљудување (надзор)
9. Воспоставување на услугата со учество на корисници на услугата лична асистенција:
– дефинирање на потреби на корисникот
– избор на услуги и одредување на време и место на користење на услугата
– избор на личен асистент
– учество во подготовка на протоколи и работни листи (договорни услуги)
– проценка на задоволство од добиената услуга
10. Личната асистенција ја обезбедува личен асистент – специјално обучено лице, кој поседува соодветни знаења, вештини и техники.
Ние сме тука за вас!
#Личнаасистенција#ЦрвенКрстОхрид#Поддршка#Социјалнаинклузија#Попреченост#Инклузивност#Социјални услуги
#ЦрвенКрстОхрид80годиниСветилникНаХуманоста
