КРЕАТИВНА РАБОТИЛНИЦА

На последниот редовен состанок на Клубот на млади при Црвен крст Охрид, на кој присуствуваа околу 40 волонтери, се одржа креативна работилница.

Работилницата беше насочена кон поттикнување на тимскиот дух, креативноста и соработката меѓу младите волонтери. Преку забавни и инспиративни активности, учесниците имаа можност да изразат свои идеи, да создадат интересни креативни изработки и да научат нови начини на тимска комуникација.

Атмосферата беше пријатна, весела и исполнета со позитивна енергија, а младите волонтери повторно покажаа дека кога се обединети – секоја активност прераснува во незаборавно искуство. Како и секогаш, состанокот заврши со пријатно дружење и многу нови идеи за идните активности на клубот.