КАМПАЊА ПО ПРВА ПОМОШ

Црвен крст Охрид продолжува со кампањата по Прва помош за млади. Како организација, долгогодишно активно работиме на планот на унапредување и развој на дејноста во делот на првата помош со посебен придонес во образовните институции каде уште од најмала возраст се обучуваат младите како правилно да укажат помош таму каде што е потребна. Првата помош е непроценлива животна вештина која децата треба да ја надоградуваат во текот на животот.

Тематската област на едукациите вклучуваше обука за укажување на прва помош односно срцево-белодробно оживување (реанимација), задушување со страно тело, различни видови крварења, скршеници, изгореници и смрзнатини.

Претходно опфатени училишта во оваа кампања: ОУ “Христо Узунов”, ОУ “Св. Климент Охридски” ОСУ “Св. Климент Охридски”, ООУ “Ванчо Николески” – Лескоец и ООУ “Григор Прличев”.

Одржавме нови едукации во училиштата СОСУ “Св. Климент и Методиј” и ОУ “Братсво и Единство”. Изразуваме голема благодарност за соработката и укажаната доверба до овие училишта!

Продолжуваме и понатака со оваа кампања во останатите училишта!