Известување

Од името на Црвен крст на Република Северна Македонија сакаме да ве информираме дека деновиве на социјалните мрежи има објави на профил “Boring Generous” дека во нашата држава е пристигната помош за Црвениот крст наменета за лица со дијабетес кој го лекува дијабетесот за неколку дена. Сакаме да ја информираме пошироката јавност дека се работи за дезинформации и невистини кои немаат никаква допирна точка со Црвениот крст.

Искрено замолуваме да не се користи името на Црвениот крст на РСМ за приватни цели и ширење дезинформации. Сакаме да потсетиме дека употребата на амблемот и името на Црвениот крст се строго заштитени и уредени со Женевските конвенции и Дополнителни протоколи и Законот за Црвен крст на РСМ и секоја злоупотреба на амблемот и името на Црвениот крст и повреда на овие одредби подразбира соодветни законски мерки кон прекршителите.

Со почит,

Црвен крст на Република Северна Македонија.