ХУМАНИТАРНО ПОЕТСКО ЧИТАЊЕ

Во рамките на социјално – хуманитарниот младински проект “Стопли нечиј дом и срце”, волонтерите од Клубот на млади при Црвен крст Охрид и културолошка иницијатива “5 до 12” организираа поетско читање на 14.12.2023 под познатото мото “Имам нешто да ти кажам” .

 Целта на активноста беше повторно да го рашириме уметничкиот дух на младите Охриѓани во ова предновогодишно издание на “Имам нешто да ти кажам”, и со заеднички сили да му се помогне на нашиот сограѓанин Петар Попоски на кој му се потребни финансиски средства за лекување.

Петар има 22 години и боледува од ретка болест Tyrosine Hydroxylase deficit. Хируршката интервенција не може да се изведе во Македонија, поради тоа мора да се оперира во Турција и се потребни околу 50 илјади евра.

 На настанот настапија 11 млади поети кои го претставија нивните оригинални творби, како и творбите од нивните омилени автори пред Охриѓани .

 За крај, се заблагодаруваме на сите учесници, волонтери, соработници, Shilla – coffee & bar, како и културолошка иницијатива “5 до 12” за поддршката и помошта при организирање на овој настан .