ЕДУКАТИВЕН ЕКО-КАМП

Во текот на ПХВ циклусот група младинци одлучија дека сакаат да креираат нешто со кое ќе се вклучени во националниот парк Галичица и после ЦКА-ПХВ програмата. Затоа тие организираа едукативен камп во с. Велестово на 19/20/21 април на кој целна група беа студентите од факултетите во Охрид.

Тие имаа можност да се запознаат повеќе со

Националниот парк Галичица и разновидноста на растенија и животни во него. Се одржаа и други обуки за подетално запознавање на Црвениот крст, спасителство на вода и снаоѓање во природа.

Покрај обуките имаа и други рекреативни активности кои служеа за меѓусебна дружба, запознавање, споделување работи и истражување на околината на с. Велестово.

Иницијативата која произлезе од кампот е отворање на еко клуб кој ќе работи со Националниот парк Галичица, каде

што акцискиот план се состои од чистење на одредени локации во паркот, дебати поврзани со екологија и состаноци.