Бесплатни здравствено превентивни прегледи

Во пресрет на празникот Илинден, а со цел превентивна грижа за здравјето на населението, особено за време на летниот период, Црвен крст Охрид на 1 август 2018 година, на Градскиот плоштад во Охрид во периодот од 16 – 22 ч.  вршеше бесплатни здравствено-превентивни прегледи.

Медицинските екипи на Црвен крст Охрид беа на располагање на сите заинтересирани охриѓани и гости кои имаат желба и потреба да направат основен здравствен преглед-мерење на крвен притисок, ЕКГ и добија корисни совети за заштита на своето здравје особено при високи температури на воздухот и исложеноста на сонце. Исто така, од тимовите на парамедици на Црвен крст Охрид беа презентирани вештини и техники на правилно укажување прва помош во различни ситуации. Волонтерите од Клуб на млади заедно со младите од други општински организации направија и хуманитарна свирка со цел намалување на ранливоста на социјално загрозените лица.