јули 1, 2024
BACK TO NATURE
Во рамки на активностите од програмата “Зелен Волонтеризам 2024” и меѓународниот аматерски театарски фестивал “Вдиши театар 2024” на 13 јуни во планинскиот дом на Црвен крст Охрид во с. Велестово се одржа интерактивна работилница на тема МЛАДИНСКИ АКТИВИЗАМ.
На истата млади волонтери од Црвен крст Охрид, Суботица и Крагујевац имаа можност да се запознаат, работат на своите тимски вештини, продискутираат за тоа што значи да си активист и како да си еколошки одговорен во заедницата, а и директно на терен спроведоа еколошка акција во околината на планинскиот дом.
На работилницата учествуваа 22 млади волонтери, а беше организирана од страна на Борче Исакоски со асистенција на Анастасија Атесленко, Иво Георгиески, Ана Мојсоска и Сара Петкоска.
