септември 20, 2023

ЗА ПОСРЕЌНО ДЕТСТВО

Црвен крст Охрид со големо задоволство ја најавува традиционалната хуманитарна и спортско-рекреативна акција „ЗА ПОСРЕЌНО ДЕТСТВО“ која ќе се реализира на 24 септември 2023 г. Овој настан кој е со широко општествено значење, ќе започне во 11 ч. со „главна трка“ на младите чиј старт ќе биде од плоштад „Чинар“, а цел на градскиот плоштад „Климент Охридски“, каде ќе продолжат спортските, културно забавни и здравствено-едукативни содржини проследени со голем број награди.
Учество на овој настан се обезбедува со купување на учеснички број кој чини 50 денари. Средствата собрани од продажбата на учеснички броеви за акцијата, ќе бидат наменети за помош на децата со здравствени потешкотии од социјално загрозените семејства во Охрид и Дебарца.
Секој кој ќе купи учеснички број ќе има можност да се натпреварува во бројни спортски дисциплини: фудбал, ракомет, тенис, шах, пикадо, возење велосипед, аеробик и друго, со што станува потенцијален добитник на награда во големата наградна игра со преку 50 вредни награди (четиридневен престој во Суботица, тридневен престој на Златибор, викенд во Крушево, курсеви за странски јазици, компјутерска галантерија и др.) кои ќе бидат извлекувани во живо во втората половина на октомври.
Традиционален партнер на акцијата „ЗА ПОСРЕЌНО ДЕТСТВО“ е Стоматолошки Центар Д-р Баткоски кој и оваа година подготви голем број награди и изненадувања, како и бесплатни корисни совети и препораки за правилна грижа и заштита на здравјето на устата и забите кај децата и возрасните.
Продажбата на учесничките броеви е веќе во тек. Мобилните тимови на волонтери на Црвен крст Охрид ќе бидат достапни со учесничките броеви на повеќе пунктови во градот, а учесничките броеви ќе можат да се набават и во просториите на Црвен крст Охрид, ул. Димитар Влахов бр. 52.
Ве молиме за Ваша активна поддршка на овој настан со промовирање на истиот преку објавување на плакатата или учесничкиот број во Вашиот медиум, во периодот до почетокот на настанот.
Ви благодариме за помошта и поддршката на нашите хуманитарни активности.
 
May be an image of 1 person, child and text that says "за посрекно детство спорт награди рекреативна рекре APHA хуманит недела 24 септ ември стоматолошки центар д-р баткоски забава дружене + старт: 11:00 ч., чинар“ главна TPKA: цел: градски плоштад црвен крст на република северна македонија општинска организацила охрид"
 
 
< врати се назад