Меѓународна соработка

Црвениот крст на Република Македонија е формиран на 17 март 1945 година а самостојно дејствува и работи како национално друштво од 21 мај 1992 година. Црвениот крст на Република Македонија е признат од Меѓународниот Комитет на Црвен крст на 01 ноември 1995 година и е примен како полноправен член на Меѓународната Федерација на Друштвата на Црвен крст и Црвена полумесечина на 27 ноември 1995 година.

Една од примарните задачи на националното друштво претставува ефективно и континуирано градење на партнерски односи и соработка преку имплементација на програмски и проектни активности со партнерски организации насочени за помош и поддршка на различни целни групи. Во изминатиот период, Црвениот крст на Република Македонија континуирано го надградува свој препознатлив имиџ во Република Македонија и Движењето. Разновидноста на нашата организација има голема практична вредност која ни овозможува да стигнеме до повеќе луѓе со поширок опсег на активности. Најважниот предизвик за организацијата е обезбедување континуитет на планот на меѓународна програмска и проектна поддршка за имплементација на активностите на националното друштво. Тоа се остварува преку иновативно, транспарентно и ефикасно работење за да се задржи интересот на партнерските организации за мобилизирање и обезбедување фондови за имплементација на програми и проекти на Црвениот крст на Република Македонија.

Плодната соработка со компонентите на Движењето на Црвен крст и Црвена полумесечина, со агенциите на Обединетите Нации, Европската Унија и други меѓународни организации и дипломатски претставништва, овозможи Црвениот крст на Република Македонија да се развие во национално друштво кое добро функционира .

Постигнуваната и воспоставената добра соработка со партнерските организации се добар предуслов Црвениот крст на Република Македонија, да продолжи да имплементира разновидни проекти и програми финансирани од меѓународни донатори за повеќе ранливи категории на население во локалните заедници, како и за организациски развој на националното друштво. Програмските и проектни содржини обезбедени со меѓународна поддршка се интегрален дел на презентираните програмски дејности во овој документ.

Црвениот крст на Македонија остварува меѓународна соработка со повеќе меѓународни организации и национални друштва на Црвен крст и Црвена полумесечина по пат на заеднички проекти, хуманитарни акции и размена на позитивни искуства. Примарна цел на меѓународната соработка е размена на искуства и имплементација на заеднички активности како и обезбедување на проектна и програмска поддршка за обезбедување услуги и опслужување на различни категории на корисници.

Меѓународната соработка на Црвениот крст на Република Македонија е насочена кон подобрување на капацитетите на националното друштво за поефикасно извршување на својата хуманитарна мисија во Република Македонија и светот во своите напори за обезбедување и укажување на помош за најранливите категории на население.

Црвениот крст на Република Македонија има потпишано протоколи за билатерална соработка со повеќе национални друштва на Црвен крст и Црвена полумесечина кои ја уредуваат програмската соработка на националните друштва на национално и општинско ниво.

со Бугарски Црвен крст / Протокол за соработка потпишан на 16.09.1994
со Турска Црвена полумесечина / Протокол за соработка потпишан на 30.08.1995
со Романски црвен крст / Протокол за соработка потпишан на 25.09.1995
со Германски црвен крст / Протокол за соработка потпишан на 02.07.1996
со Шпански Црвен крст / Протокол за соработка потпишан на 20.03.1997
со Шведски Црвен крст / Протокол за соработка потпишан на 20.03.1997
со Албански Црвен крст / Протокол за соработка потпишан на 28.03.1998
со Црвен крст на БиХ / Протокол за соработка потпишан на 24.10.2002
со Црвен крст на Србија / Протокол за соработка потпишан на 16.01.2007
со Црвен крст на Бугарија / Протокол за соработка обновен на 30.05.2007
со Турска Црвена полумесечина / Протокол за соработка обновен на 28.05.2008
со Турска Црвена полумесечина / Протокол за соработка обновен на 08.04.2010

СОРАБОТКА СО МЕЃУНАРОДНИ ИНСТИТУЦИИ И ОРГАНИЗАЦИИ

Во рамките на спроведувањето на своите програмски активности Црвениот крст на Република Македонија остварува добра соработка со повеќе меѓународни институции и организации како што се дипломатските претставништва во Република Македонија, Меѓународниот Комитет на Црвен крст, Меѓународната Федерација на друштвата на Црвен крст и Црвена полумесечина, Високиот Комесаријат за бегалци, ECHO, USAID,UNICEF, UNDP, Project Hope и други.

[Курс за обука за организациски развој 2-6 октомври 2006 год, Будимпешта, Унгарија]
[29-та Меѓународна Конференција на ЦК и ЦП]
[15-та Балканска Конференција на друштвата на Црвен крст и Црвена полумесечина 30.11.06 – 02.12.06 Мармарис, Турција]